የኢትዮጵያ ባህል እና ስፖርት ቀን 2024

Den etiopiske foreningen i Norge · Ethiopian Community in Norway · siden 1987

እንኳን ደህና መጡ!

ecn defin ethiopia norway amharic ethiopian community

የኢትዮጵያውያን ማህበር በኖርዌይ እ.አ.አ ከ1987 ጀምሮ በግለሰቦች ተነሳሽነት ይንቀሳቀስ ነበር፡፡ ከ1998 ጀምሮ ደግሞ በኖርዌይ በይፋ ተመዝግቦና እውቅና አግኝቶ እየሰራ ይገኛል። ማህበሩ በየሶስት ዓመቱ በዴሞክራሲያዊ ምርጫ ተወካይ ኮሚቴዎች ይመርጣል፡፡ እነዚህም ተወካዮች ለሶስት ዓመታት ማህበሩን ይመራሉ፡፡

ማህበሩ ለኢትዮጵያውያን ሁሉ እና ለኢትዮጵያ ወዳጆች ምንጊዜም ክፍት ነው። ወደፊትም በዚሁ ይቀጥላል። ማህበራችን ሁሉንም አካታችና በእኩል የሚያስተናግድ ነው። ስለዚህ በመከባበር የሁሉንም ፍላጎት ለማሟላት የግለሰብ ነጻነትን ያስቀድማል፡፡

ማህበሩ ስለኢትዮጵያና ኢትዮጵያውያን እንዲሁም ስለኖርዌይና ኖርዌያውያን ቀና አመለካከት አለው፡፡ በኖርዌይ ተሰሚነትና ተጽዕኖ እንዲኖረው ኢትዮጵያውያን በንቃት እንዲሳተፉ ይጠብቃል። ዋናው ዓላማውም በኖርዌይ ለሚኖሩ ኢትዮጵያውያን አስፈላጊ መረጃ እንዲደርሳቸው ማድረግ፣ እንዲሁም አንድነትንና መከባበርን ማጠናከር ነው፡፡ ከዚህም ጎን ለጎን የተለያዩ ትምህርታዊ ውይይቶችን ያዘጋጃል፡፡ ለምሳሌ፤ የኖርዌይን ባህልና ወግ ማወቅ፣ የራሳችንን እሴት መጠበቅ፣ ስለ ስራ ማግኘት እና ስለ ቀጠሮ አያያዝ ውይይቶችን ያደርጋል።

ማህበራችንን ለማሻሻል ምክንያታዊ ለውጦችን እናደርጋለን፡፡ አዝናኝና ትምህርታዊ ምሽቶችም ይኖሩናል፡፡ ስለዚህም ጉዳይ ቀደም ብለን ማስታወቂያ እናወጣለን፡፡ ይህንን ዓላማ ለማሳካት ኢትዮጵያውያን እና የኢትዮጵያ ወዳጆች እንደሚተባበሩን እንተማመናለን፡፡

ማህበሩ መቼ ተመሰረተ?

➟ በግለሰቦች ተነሳሽነት ሃሳብ መነጨ።
➟ እንደ አውሮፓውያን አቆጣጠር 1987 ላይ መንቀሳቀስ ጀመረ፡፡
➟ 1998 ላይ በኖርዌይ ውስጥ ማህበር ሆኖ ተመዘገበ፡፡
➟ Orgnr. 984 047 355
➟ DEN ETIOPISKE FORENINGEN I NORGE

ለምን ተመሰረተ?

➟ ወድማማችነትና እህታማማችነት ለማጎልበት፤
➟ ኖርዌጃውያንና ሌሎች ዜጎች ጋር ወዳጅነት ለመፍጠር፤
➟ የኖርዌይን ባህልና አኗኗር ለማላመድ መረጃ ለመስጠት፤
➟ የኢትዮጵያን ታሪክ፣ ወግና፣ ባህል ለሌሎች ለማስተዋወቅ፤
➟ የኢትዮጵያውያንን በዓላት በጋራ ለማክበር፤

እንዴት መተባበር ይችላሉ?

➟ መደበኛ አባል በመሆን፤
➟ ትምህርታዊና በዓላዊ ዝግጅቶች ላይ በመገኘት፤
➟ ስብሰባ ላይ የውሳኔ ተካፋይ በመሆን፤
➟ ምን ላግዝ ብሎ ማህበሩን በመጠየቅ፤
➟ ከተመረጡ አመራር ውስጥ በመግባት፤
➟ ማህበሩን በማስተዋወቅ፤
➟ ገንቢ ሃሳብ በመስጠት፤

ከታች አስተያየት ይስጡ

* መጻፍ ያለበት
1000
Powered by Commentics

የተሰጡ አስተያየቶች

አስተያየት ገና አልተሰጠበትም። የመጀመሪያው ይሁኑ!